陳頌恩醫生 - 香港灣仔眼科醫生介紹

透過健康旦的節目, 我認識了陳醫生, 他為我解答了黃斑前膜和白內障的問題, 在我日後的尋醫路上奠定了方向 。 今年6月, 我在養和做了一次眼底斷層掃苗, 陳醫生很詳細教我怎樣分別看健康和生了前膜的視網膜, 我好像上了一堂醫學課。在診段期間, 陳醫生有問必答, 向我灌輸了不少的眼疾知識。 決定做白內障手術後, 從選擇人工晶體, 設計兩眼度數和釐定做左右眼的先後次序等都是由陳醫生一手包辦。當我躺在手術床上定晴看著手術燈的時候, 陳醫生適時稱讚我做得好。這種鼓勵對於病人來說是非常重要, 他的鼓勵掩蓋了我內心的恐懼, 使我忍耐堅持不動, 直致手術成功。 在我求醫的字典裡, 是没有「覆診」這兩個字。以往,不論在私家醫院或私家診所, 我都可以安全逃脱。可惜, 陳醫生的奪命追魂call, 迫使我乖乖就範。這點可反映陳醫生對他的病人是很上心和認真。 養和醫院對一個新界妹來說是一處世外桃源。我用Google Map尋找了半天也找不到它的位置。正想放棄之際, 我看見銅鑼灣地鐵站內的廣告寫著move on的字, 好像天父對我說要繼續前進。回想我當初尋醫的第一天, 選擇了陳醫生, 我相信這是一個正確的決定。 簡評: 個人觀感- 詳盡親切、耐心施診 經歷過程- 醫生會從病人出發去提供意見 推介意見- 值得向有需要人仕推介

1月3日與家人覆診陳醫生，經診斷後陳醫生建議如常按周期時段打針控制病情，以免影響視力導致病情惡化，陳醫生建議打另外的一種針，其药性比較濃，希望可以蒂長覆診及打針的周期時段，儘量減低醫療費用；陳醫生細心講解兩種針的藥性功能，並且告知推介的針藥價格會比較便宜一點，對於沒有醫療保險賠償的病人較為化算，並強調藥性會因人而異，須於打針後才知道確實效果，如效果未如理想，可以用回現時的針藥繼續定期檢查、打針。 在家人檢查期間，我再次詢問以前提問過的問題，陳醫生也不厭其煩的回應，並沒有顯得煩厭，同時診症時亦有問必答，沒有顯得草草地敷衍了事，想盡快將病人趕出診症室；另外，更主動向提出病人提出，病人忘記提供保險申索理賠表給他填寫，此等細心的關心病人，我與家人感到非常滿意及感謝！ 我陪伴家人睇陳醫生已有一年多了，感到陳醫生每次都悉心檢查和打針做手術治療等，都沒有馬馬虎虎應付，使我家人的病情得以穩定下來，在此我與家人感謝陳醫生的診斷及治療，確實對我家人有莫大嘅幫助，雖然在診金費用上比其他病人貴了$100元，是因為病情比較嚴重的原因，經查詢及了解原因後，亦欣然接受！ 眼睛是靈魂之窗，做一個專業嘅眼科医生是非常之不容易的，既要有很多年嘅實際工作經驗，加上要有醫者父母心嘅「醫德」，藉此我與家人在此向悉心治療病人及有醫德的專科醫生致敬及作出多謝！多謝陳醫生! 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 值得向有需要人仕推介

以為養和眼科有一定質素保證 打電話預約時沒有指定醫生 接线姑娘就安排左呢個能最快見到的陳醫生 無人預約 果然就系有問題 入到去都無五分鐘就話無問題如果擔心就可以去照MRI 馬上就開一張收費2萬幾既MRI介紹信 結果去其他醫院換另一位醫生檢查 查出病源為眼球肌肉麻痺+外斜 同大腦完全無關 除左想upsell 唔明點解要叫我去照MRI book醫生之前無上網check下呢個醫生 而家特登留言希望多d人會見到 簡評: 個人觀感- 有欠詳盡、耽誤病情 經歷過程- 診証時間極其急趕，快來快去 推介意見- 本人絕對不會再作光顧

因另外一位醫生介紹我，山長水遠去左睇佢，好後悔 其實我好少寫評語，不過$1500俾人5min趕岀黎真係要俾其他求醫人士知道。雖然佢識介紹人，但係我唔想對唔住自己感覺都要寫出黎。 因為眼疾問題走訪多位醫生，其實身心都疲累 以為係養和，所以有啲期望 最後感到非常失望 去睇嘅時間仲短過公立醫生 真心講上次去公立醫生解釋仲長盡，會講下成因，做手術方式，幾時係合適時機，風險等等，亦會問下仲有咩問題。我唔覺得想知道呢啲資料係過分，但所有野都係我問陳頌恩醫生佢先短答。而佢答既野其實資料網上都有。我好似俾左$1500然後等於自己睇wiki的資料一樣。其實我都係想要多一個專業嘅意見。我後悔幫佢打完場問d白痴問題等場面唔咁尷尬。 陳頌恩醫生5分鐘就”禮貌”地趕你出嚟，可能見到我資料唔係富貴人家，唔係target group，不斷講”好啦好啦”、”就咁啦好嗎”，禮貌地趕客，其實病人係聽得明ga 新症來說，檢查我覺得有少少求其，同電筒照幾下，佢話無影響視力，我話有(睇咗咁多個醫生點會唔知自己問題丫)，佢先再係咁二check,然後話係喎有少少。 其實寫咁多嘢，最主要都係想講感覺好難受。如果其他病人讀者有類似嘅經歷，相信你好明白我嘅感受。做醫生每日都見病人，唔多唔少都會有啲麻木，明白也諒解。但係我作為病人只需要基本嘅對待，唔使好關心好同情，正常解答就得。但係我覺得呢一點陳頌恩醫生未能達標，至少對我來說。可能佢嘅熟客會好好多，我不能肯定。 可能睇嘅人會覺得佢都有好評，係咪真係咁差呢？我睇佢之前都係咁諗。但係我睇完之後，就係覺得沒有得到專業意見之餘，仲有被打量身世嘅感覺。大家睇完之後可以理性判斷。 簡評: 個人觀感- 有欠詳盡、耽誤病情 經歷過程- 需要自己主動提出較多的諮詢 推介意見- 可能人夾人緣自己衡量