陳鼎鼐醫生 - 香港灣仔眼科醫生介紹

懷疑青光眼。 入到診所，姑娘乜嘢都冇問，就先滴咗放大瞳孔藥水， 搞到最後一部分檢查做唔到， 其實一開始就唔需要滴放大瞳孔藥水。 醫生更加九唔搭八， 做咗五千幾蚊測試， 最後同我講： 我而家睇嘢唔清， 可能係天生，有可能係青光眼.... 第二日去理工眼科，一個鐘檢查完，即時答到，無青光眼，埋單1500。 唔放心，再去睇另一眼科，埋單2700，一個鐘，一睇就知話無青光眼。 陳鼎鼐究竟有無能力做眼科？ 簡評: 個人觀感- 診效不顯、收費不稱 經歷過程- 醫護之語調態度令人無所適從 推介意見- 本人絕對不會再作光顧

Nice Doctor with brief explanation & recommended. 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介

2018年6月喺佐敦做smile矯視手術，手術之前檢查過一切正常可做手術，手術當天右眼做smile, 左眼做smile過程突然停止手術，要做傳統laser, 做完手術後，keep住幾次免費覆診，但眼乾問題一直困擾但陳醫生話正常，之後過左一年左右，發現視力差左，眼乾問題一直存在，於是去測視力，視光師話我右眼75度，左眼150度，左眼可能因為手術做得吾好，永久損傷，配咩度數眼鏡都冇用，之後過左一段時間，眼乾情況嚴重，我睇另一個眼科醫生，佢幫我檢查，話我眼乾到有裂紋，因為情況嚴重，醫生幫我轉介睇政府專科，現在睇緊政府專科，半年覆診一次，日日滴好幾次眼藥水同眼膏，俾錢買難受，究竟係咪醫療失誤？奉勸各位睇呢位醫生之前諗清楚！ 簡評: 個人觀感- 診效不顯、收費不稱 經歷過程- 需要自己主動提出較多的諮詢 推介意見- 本人絕對不會再作光顧

本人兩年前亦生過眼瘡，果次揾咗兩個唔同醫生割咗三次都未算完全好返，而且每次割嘅過程都好似好大工程。 今次又生眼瘡，係第一次揾陳醫生睇，估唔到陳醫生手勢實在一流，打麻醉針完全冇痛感，割眼瘡輕鬆完成like a piece of cake。今次嘅體驗同兩年前完全不能相提並論！ 本人大力推荐眼睛有事睇陳醫生！ 簡評: 個人觀感- 醫術精湛、鉅細無遺 經歷過程- 醫護人員親切有禮的提供協助 推介意見- 已視為本人的必然選擇

之前陳醫生幫本人母親雙眼進行了白內障手術，效果非常之好，跟預期的效果差不多。而且手術十分迅速，媽媽說未驚完手術已經做完。本人父親也患上了白內障，自然也找陳醫生幫忙。陳醫生手術前將預期的術後效果講得很清楚，清楚簡潔，不會長篇大論。手術大約20分鐘。由於本人父親只得一隻眼看見，父親說手術後即時已有大約八九成視力，只覺得眼濕濕像有少少淚水遮住。第二天複診視力已達1.0的標準視力。現在手術後四天，父親說視力就像未有白內障的時候一樣，只是更為光亮。 感謝陳醫生的一雙巧手為父親重見光明 簡評: 個人觀感- 醫術精湛、鉅細無遺 經歷過程- 雖則過程簡捷，診效尚算明顯 推介意見- 已視為本人的必然選擇