劉大立醫生 - 香港中西區眼科醫生介紹

家母去年年初開始睇野有d蒙, 原本以為老人家年紀大老花,於是去左配眼鏡。但前後配左三副眼鏡情況都冇改善, 於是決定帶家母去睇眼科醫生。經同事介紹去左睇劉大立醫生。劉醫生替母親做了一些檢查, 證實她患上黃斑前膜, 要即時做手術改善視力。家母平日好少病, 身體狀況良好, 而我地對黃斑前膜這個病更是聞所未聞。幸得劉醫生細心詳盡地解釋病理成因、手術的細節及風險成效, 使家母及我們都很放心做呢個手術。手術很順利, 家母話劉醫生的手勢好好， 完全唔痛，而且係準備手術期間，劉醫生keep住同母親傾計, 幽默風趣,使原本緊張的情緒得以放鬆下來。結果手術很成功，現在家母已完全恢復視力。多謝劉醫生！ 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

劉醫生的醫術真是非常高明! 媽咪原本有近視、散光同老花, 上月突然睇唔到野, 只能隱約近距離睇到手指。經朋友介紹再係此網站看了一些病人對劉醫生的評價, 即刻去睇劉醫生。原本姑娘話劉醫生即日的預約已經爆滿, 但同姑娘講了媽咪的情況, 姑娘轉述給劉醫生後, 劉醫生認為媽咪是急症, 不能拖, 所以無論如何都會即日睇埋媽咪。見到劉醫生的時候已經是晚上八點幾, 他幫媽咪做了一些檢查, 診斷出媽咪患有非常嚴重的白內障以致視力急速下降, 需要即時做手術。劉醫生還說個白內障手術可以解決媽咪原有的老花等問題。結果手術非常成功, 一次過醫返好媽咪既白內障, 及其他困擾了媽咪多年的眼睛毛病。劉醫生不但令媽咪重見光明, 而家連眼鏡都唔駛帶, 媽咪非常開心! 原本我們已經考慮叫媽咪做激光矯視, 而劉醫生能以一個手術解決媽咪所有的眼睛問題, 比著其他醫生可能會叫媽咪做完激光矯視再做N種其他手術... 劉醫生真是一位絕不拖症,顧及病人實際需要的仁醫! 簡評: 個人觀感- 經驗豐富、絕不拖症 經歷過程- 醫生會從病人出發去提供意見 推介意見- 已視為本人的必然選擇

本人早前突然看東西有重影, 輾轉看了數個眼科醫生, 但每一個的診斷都不盡相同。一個診斷我經常使用手提電話以至黃斑病變, 另一個話我眼底水腫但原因不明，令我摸不著頭腦。尋訪眼科賢醫, 終找到眼底黃斑病專家劉大立醫生。經劉醫生檢查, 看一看眼底再做一些檢查，已能診斷出本人患上中漿症，劉醫生說是黃斑病的一種。老實說，咁大個人，連傷風感冒都很少，中漿症簡直是聞所未聞，我問了劉醫生很多問題, 劉醫生都逐一詳細解答, 換着其他醫生你問多兩句就會嫌你煩, 劉醫生是唯一一個我見過的醫生即使診所有很多病人等候, 但仍然會詳細地同病人講解病理, 解釋病情的醫生。劉醫生說我只要接受激光治療，就有好大機會痊癒。結果治療一個月後，我的視力已完全恢復正常，所有病徴亦告消失。劉醫生除了是賢醫, 更是黃斑病的權威！ 簡評: 個人觀感- 經驗豐富、絕不拖症 經歷過程- 醫生會清晰明確的講解其病情 推介意見- 已視為本人的必然選擇

本人一直都有飛蚊既問題, 上個月突然飛蚊多左好多, 係公司insurance個doctor list到random揀去左個眼科醫生睇, 個醫生檢查完話我冇乜事, 但其實我隻眼有d痛... 點知第二日唔止有飛蚊仲有閃光.. 同事介紹左我去睇劉大立醫生, 因為佢屋企人之前視網膜脫落個病徵同我好似,係俾劉醫生醫返好! 於是我即刻去左睇劉醫生, 經劉醫生檢查, 確診我真係視網膜脫落仲要係急性個隻, 要即日做手術! 當時真係好驚, 因為所有野黎得太突然! 劉醫生安撫我情緒之餘, 仲好清楚咁解釋我知我既情況, 佢建議即時安排我係私家醫院做一個微創視網膜修補手術.. 結果手術非常成功, 而家過左兩星期已經完全冇腫冇痛, 仲要冇哂d飛蚊!! 好彩當日同事介紹左劉醫生俾我, 如果唔係盲左都唔知乜事!! 簡評: 個人觀感- 經驗豐富、絕不拖症 經歷過程- 醫生會清晰明確的講解其病情 推介意見- 已視為本人的必然選擇

話說奶奶白內障, 去左睇某名醫(唔開名啦), 名醫話奶奶唔只有白內障, 仲有嚴重的角膜退化, 所以個白內障手術好難做，手術費亦比正常價錢貴好多! 我老公同佢幾兄弟姊妹商量後, 雖然都勉強負擔到手術費, 但名醫態度惡劣，非常不耐煩，好似問多句都嫌我地煩，浄係叫我地決定好就搵姑娘排期做手術，所以我地決定睇多個醫生攞多個意見。。。 之後奶奶去左睇劉大立醫生, 劉醫生都確定奶奶係有角膜退化，但佢好有耐性好清楚咁講解俾我地知奶奶既情況，佢話有啲手術方法可能可以幫奶奶減低手術後角膜水腫既機會! 而且劉醫生明白我地有經濟負擔, 個白內障手術只係收左一般普通白內障手術既價錢! 最後奶奶個手術非常成功! 而家佢對眼仲好到可以穿針車衫! 奶奶非常開心! 劉醫生真係醫術高明, 澤心仁厚既仁醫! 簡評: 個人觀感- 仁心仁術、醫德高尚 經歷過程- 醫生會從病人出發去提供意見 推介意見- 已視為本人的必然選擇