王日榮醫生 - 香港九龍城眼科醫生介紹

本人11月中開始眼非常痛，睇過普通科醫生滴咗眼藥水但情況持續，之後經普通科醫生轉介到保險公司名單內的王日榮眼科。 行入房果陣姑娘話電話要靜音，於是我拎部電話出嚟唸住校返靜音果陣，佢已經用好差既態度話我做咩仲要揸住部電話。俾佢咁串發，初初仲以為佢好有堅持好似好有料同權威咁，但開始講病情果陣，佢一知道我做IT呢行就已經話係眼累成日對住部電腦所以咪痛囉。我心諗,如果單純疲勞既話,休息下同滴咗眼藥水已經會舒緩好多，使鬼嚟睇眼科。話俾佢聽我果排每日工作時間對電腦時間係好小，佢就覺得我好似challenge佢，仲反問我擔心D咩。你係醫生唔係應該聽完病人講有咩病徵然後決定檢查D咩。之後就好似好勉強咁用儀器同我檢查，話完全冇問題。我再問多小小，佢就回應話頭先咪同你講話眼累所以痛囉。我話痛係間唔中，佢就話如果你有病有冇理由係一時痛一時唔痛。之後再放大瞳孔同我檢查，就話我老花。我想問清楚小小有老花咁痛法係唔係正常，佢就大大聲聲咁話我想點，同你CHECK完你又唔信，有老花你再用眼睇野咪更加累，我心諗你係醫生,解釋清楚俾病人係你既責任，冇需要用咁既態度。 過幾日後，我睇另一個眼科話我係結結膜炎，開咗眼藥水俾我, 滴完舒服好多。 之後再睇返網上D COMMENT, 原來有其他人睇王日榮都有類似經歷。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

初患紅眼症，三日經普通科轉介，醫生都有小心診斷為紅眼症，轉了一隻藥水給我使用，經過三天之後紅眼症狀有明顯改善了。 醫生也願意精要地討論我之病情及幫我檢查眼睛。而且當睇完普通科的那天，需要急於即日找專科眼科的話，這裡是一個合理的選擇。 不過我是以公司醫生睇的，所以沒有收費比較。 簡評: 個人觀感- 判症快捷、合情合理 經歷過程- 醫生會清晰明確的講解其病情 推介意見- 應已足夠為你控制病情

成世人睇過咁多次醫生，從未見過一個態度可以咁差劣。 一入去呀王醫生已經鞋口鞋面，之後個所謂檢查極度求其，求其揭低眼皮望落下就當交左貨。 問佢兩句就開始用佢啲鄙視既態度黎回應，病人想知既完全冇解釋清楚，仲要係係度又歎氣又反白眼咁。 佢分明當所有佢啲病人係白痴，比成800睇啲咁既醫生仲要受佢氣，果下堅想問候佢娘親，可惜我係個斯文人，我忍。 呢單野真係不吐不快，更重要既係想比其他人知道呢個醫生真係唔睇得。 係千祈唔好睇！ 簡評: 個人觀感- 態度有失、醫德有損 經歷過程- 只知取藥付費，未能盡釋疑慮 推介意見- 本人絕對不會再作光顧

一位具豐富經的好醫生，護士姑娘又有耐心，態度親切，在我的人生第一次面對眼疾的驚恐中，是一支好好的安慰劑！ 簡評: 個人觀感- 經驗豐富、絕不拖症 經歷過程- 醫生會主動探索其病因及治療 推介意見- 值得向有需要人仕推介

作為專業人士，他不配！ 不知道為何他能成為醫生，仲要出來應診。 他的意見不專業，没有為患者提供適當的冶療。 找他看醫生，是我的不幸。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧