袁尚清醫生 - 香港尖沙咀眼科醫生介紹

醫生好後生 可能年輕關係經驗尚淺 只可以處理一般眼疾 收費貴 簡評: 個人觀感- 診效不顯、收費不稱 經歷過程- 只知取藥付費，未能盡釋疑慮 推介意見- 本人絕對不會再作光顧

可能因為我用醫療卡，醫生賺得少。一睇完個傷口，醫生對傷口大小情況只輕輕講左幾句，就好武斷咁話你個傷口反覆受傷，一年半戴未必好到，然後就開始好詳細咁講做手術嘅細節。我堅決表示我唔想做手術，醫生先話開啲眼藥俾我試吓，然後開玩笑咁話不如開多少少俾你看門口，佢想開半年嘅份量俾我，當然我拒絕左。最唔滿意係佢冇咩點講過病情我要不斷問佢 （後來我睇另一個醫生，佢話唔駛做手術，只要乖乖用藥三個月就會康復，仲好詳細話我知傷口嘅大小同埋情況。） 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

今早爸爸突然告訴我原來眼睛已經不舒服了兩天， 睇野見到雙重影及不停流眼水。即時打去養和醫院但係所有眼科醫生都fully booked 至一月份， 另外兩間私家醫院亦沒有眼科醫生駐診。 我唯有即時上網，搵到see doctor 袁醫生的資料及評價。我便即刻打去book，姑娘肯比爸爸早上最後一個12:45pm 位。 這間診所最特別的地方係專科都收醫療券，長者還有優惠＄560已包了放大瞳孔驗眼，另外幫爸爸通涙管加收＄400。袁醫生非常細心聽爸爸講以前的病歷，還寫了轉介信給爸爸去政府醫院做白內障手術，絕不hard sell ! 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 值得向有需要人仕推介

我媽媽視力有問題，所以去眼鏡舖去配眼鏡，但配左好多副都睇唔清楚，視光師建議去睇眼科醫生，在媽媽既好朋友知道呢位醫生好多人睇，所以決定搵個專業醫生跟進，去到見到媽媽的朋友也在等緊，原本媽媽的朋友們個個都睇呢位醫生，姑娘登記後就馬上幫媽媽驗眼，她們好細心及專業，見到醫生好Nice，同好好笑容，感覺好親切，袁醫生好詳細解釋媽媽個病情及需要做什麼手術，睇完我同媽媽安心好多，在此好感謝袁醫生及姑娘，個個都好好人，好親切，完全唔會令我有不良感覺，謝謝診所既每一位。 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介

本人一向不相信網上的醫生評價，因為大部份都言過其實，之前也看了兩個評價很好的醫生，但都只是不斷拖症，袁尚清醫生是少數各符其實的好醫生，經驗豐富，講解給予病人充分的信心，姑娘亦十分友善專業，把困擾本人的黃斑點病症醫好，收費亦十分公道，衷心推薦! 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 已視為本人的必然選擇