陳頌恩醫生 Chan Chung Yan, Tommy

醫後分享:
因另外一位醫生介紹我，山長水遠去左睇佢，好後悔 其實我好少寫評語，不過$1500俾人5min趕岀黎真係要俾其他求醫人士知道。雖然佢識介紹人，但係我唔想對唔住自己感覺都要寫出黎。 因為眼疾問題走訪多位醫生，其實身心都疲累 以為係養和，所以有啲期望 最後感到非常失望 去睇嘅時間仲短過公立醫生 真心講上次去公立醫生解釋仲長盡，會講下成因，做手術方式，幾時係合適時機，風險等等，亦會問下仲有咩問題。我唔覺得想知道呢啲資料係過分，但所有野都係我問陳頌恩醫生佢先短答。而佢答既野其實資料網上都有。我好似俾左$1500然後等於自己睇wiki的資料一樣。其實我都係想要多一個專業嘅意見。我後悔幫佢打完場問d白痴問題等場面唔咁尷尬。 陳頌恩醫生5分鐘就”禮貌”地趕你出嚟，可能見到我資料唔係富貴人家，唔係target group，不斷講”好啦好啦”、”就咁啦好嗎”，禮貌地趕客，其實病人係聽得明ga 新症來說，檢查我覺得有少少求其，同電筒照幾下，佢話無影響視力，我話有(睇咗咁多個醫生點會唔知自己問題丫)，佢先再係咁二check,然後話係喎有少少。 其實寫咁多嘢，最主要都係想講感覺好難受。如果其他病人讀者有類似嘅經歷，相信你好明白我嘅感受。做醫生每日都見病人，唔多唔少都會有啲麻木，明白也諒解。但係我作為病人只需要基本嘅對待，唔使好關心好同情，正常解答就得。但係我覺得呢一點陳頌恩醫生未能達標，至少對我來說。可能佢嘅熟客會好好多，我不能肯定。 可能睇嘅人會覺得佢都有好評，係咪真係咁差呢？我睇佢之前都係咁諗。但係我睇完之後，就係覺得沒有得到專業意見之餘，仲有被打量身世嘅感覺。大家睇完之後可以理性判斷。 簡評: 個人觀感- 有欠詳盡、耽誤病情 經歷過程- 需要自己主動提出較多的諮詢 推介意見- 可能人夾人緣自己衡量

目前病況:

選擇原因: 朋友介紹推薦

求診途徑: 親自排隊