求診目的:
眼角膜損左,發炎
診症日期:
2016-06-06
服務態度:
治療效果:
醫後分享:
有日我右眼開始眼皮跳,初初冇點留意,個過左幾日後眼皮喪跳,抽搐咁,好唔舒服,我以為自己工作壓力大,唔夠訓,所以眼乾搞成咁,之後幾日突登訓耐少少,同滴普通眼藥水,點知情況冇好過,隻右眼仲愈黎愈興,愈黎愈痛,頂唔順想睇眼科醫生,但咁啱係星期日,就上網睇下有邊d好評多既醫生碰下運氣打去睇下星期日有冇開,最後打左幾個電話都冇人聽,唯有捱多日星期一先再打去預約,我本身就想搵何思遠醫生,佢好評幾多,好似唔錯,我見佢資料介紹話10am先開,咁我晨早就預備定夠鍾就打去,點知9點30分有個周xx醫生姑娘call back,係我星期日打過既其中一個電話,個姑娘話下晝可以睇,咁我就諗住算啦都係眼科醫生應該個個都係專業的,點知去到睇診,勁hea勁急勁快check完我隻眼就話你只係眼乾,滴普通眼藥水就得,至於你眼皮跳..你至加都冇咩啦,唔理架喇,唔通打詳肉毒桿菌針咩,你眼皮會dup哂架,唔理架喇所以,可以出返去...咁就趕走左我,盛惠$730…大佬,普通眼藥水我滴左幾日都冇用,你開多幾支俾我托咩...我猶豫左陣係咪自己太大反應,眼乾啫其實,但唔對路咼,眼乾隻眼會痛同興,猶豫左陣我就打去何思遠醫務所,好好彩可以即日睇,何醫生好nice,好有耐心聽哂你講隻眼的問題,然後一幫我檢查,就睇到我眼角膜損左,有D發炎,至於我眼皮chok下chok下係因為我隻眼唔舒服,用力睜大隻眼搞到肌肉用力過度所以先會咁,話問題唔嚴重唔洗擔心,滴眼藥水加食藥好快就好,何醫生有耐心聆聽病人既問題,逐一解答,唔會下下想趕你走咁,診金連藥費$500,到今日我隻眼已經舒服左好多..一諗起個庸醫仲要收咁貴就扯火
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 優質醫療服務理應如此
目前病況:
選擇原因: 初次光顧
求診途徑: 親自排隊