王日榮醫生 Wong Yat Wing, David

醫後分享:
本人11月中開始眼非常痛，睇過普通科醫生滴咗眼藥水但情況持續，之後經普通科醫生轉介到保險公司名單內的王日榮眼科。 行入房果陣姑娘話電話要靜音，於是我拎部電話出嚟唸住校返靜音果陣，佢已經用好差既態度話我做咩仲要揸住部電話。俾佢咁串發，初初仲以為佢好有堅持好似好有料同權威咁，但開始講病情果陣，佢一知道我做IT呢行就已經話係眼累成日對住部電腦所以咪痛囉。我心諗,如果單純疲勞既話,休息下同滴咗眼藥水已經會舒緩好多，使鬼嚟睇眼科。話俾佢聽我果排每日工作時間對電腦時間係好小，佢就覺得我好似challenge佢，仲反問我擔心D咩。你係醫生唔係應該聽完病人講有咩病徵然後決定檢查D咩。之後就好似好勉強咁用儀器同我檢查，話完全冇問題。我再問多小小，佢就回應話頭先咪同你講話眼累所以痛囉。我話痛係間唔中，佢就話如果你有病有冇理由係一時痛一時唔痛。之後再放大瞳孔同我檢查，就話我老花。我想問清楚小小有老花咁痛法係唔係正常，佢就大大聲聲咁話我想點，同你CHECK完你又唔信，有老花你再用眼睇野咪更加累，我心諗你係醫生,解釋清楚俾病人係你既責任，冇需要用咁既態度。 過幾日後，我睇另一個眼科話我係結結膜炎，開咗眼藥水俾我, 滴完舒服好多。 之後再睇返網上D COMMENT, 原來有其他人睇王日榮都有類似經歷。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

目前病況:

選擇原因: 朋友介紹推薦

求診途徑: 親自排隊

醫後分享:
丈夫視力感到有不妥求診，王醫生態度輕佻，話係老花影響，對丈夫說要認老，只係老花，要在旁揀選老花鏡.... 丈夫再向其他眼科醫生求診，發現是視網膜穿洞，要即時做手術。 如果聽王醫生只係配老花鏡，應該都係用唔著，一隻眼已失明。 簡評: 個人觀感- 有欠詳盡、耽誤病情 經歷過程- 醫護之語調態度令人無所適從 推介意見- 已視為本人的必然選擇

目前病況:

選擇原因: 其他網絡途徑

求診途徑: 親自排隊

醫後分享:
去驗眼，個醫生話唔識睇中文不知道我提供既表格，要佢驗邊d 項目，態度惡劣。 不會再睇佢。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

目前病況:

選擇原因: 隨機方便嘗試

求診途徑: 親自排隊

醫後分享:
警告！一定唔好光顧王日榮！本人因為虹膜炎去睇，佢講唔出病因，又俾錯藥，本來一隻眼發炎變成雙眼發炎，佢竟然裝作驚訝今叫我滴藥水繼續覆診，病因同如何護理咩都無！有違醫德，眼科有佢真係家門不幸！ 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

目前病況:

選擇原因: 朋友介紹推薦

求診途徑: 親自排隊

醫後分享:
爸爸因為近排眼睛痕、有異物感同多眼膠，帶佢就近私家醫生睇，希望快d接受診治 個醫生年紀都唔細，但對老人家毫無同理心。老人家表達係差少少、慢少少、組織差少少，但做醫生更加應該多d耐性，唔係串個老人家 話明係眼前部問題，個醫生九唔搭八落放瞳藥。但睇眼底就睇幾秒，好求其 搭的士返屋企，個的士司機態度仲好過個醫生千倍萬倍 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

目前病況:

選擇原因: 隨機方便嘗試

求診途徑: 親自排隊